قرار

دراما من  مشهد واحد  وشخص واحد 
المنظر  ليلى  داخلى    اصوات الشارع من بعيد     اضواء تسطع  من خلال ثقوب صغيرة فى شيش الشباك الخشبى   يجلس   كاتب هذه السطور على مكتبه  ويبدو على  وجهه التعب والضيق  ...  يمسك  صورة  بيده     يلقيها على  المكتب بملل     يفتح جهاز الكمبيوتر  ليقوم بمسح  البومات صور تبدو انها كانت مصدر ذكرى تعسة  له       يفتح ملف الكتابة ليسطر لكم هذه السطو ر وكأنه  يخاطب حبيبته   )

يوم  ما قررت اعيش من غير ك

اخدت القرار منك  

 ومن عنيكى اللى كانت  بتقول              

لا  ما كنتش بحبك

 ومن ملامحك وهى بتصرخ

ياريتنى ما عرفتك  

اه اه  غريبة 

دلوقتى  جاية ومكسورة

حزينة  بتدورى على ذكريات

كانت بينا  .. 

 ولحظات جميلة

وعد  ؟ 

طيب مين  موفاش بالوعد؟

ممكن اقولك  مش هاتخلى عنك

بس ما  ضمنش  قلبى يسامحك

ممكن اوعدك ابقى جمبك

بس مضمنش   إن افهم  صمتك

او  اكون حد  يسعدك

الحياة وقفت بينا  .  لو  شايفها

ممكن ترجع  تانى

يبقى   خلى عنيكى وملامحك

تقول بحبك

تعالى على نفسك  وقولى

انا  فعلا ظلمتك  انا  كدبت عليك

خدعتك  ..

وان الكدب دمر كل اللى  بنيناه  مع  بعض  

وحاجات كتير اتكسرت 

لما  مقدرتيش تسامحى

او تتحملى  نتيجة  علاقتنا

الحقيقة  عمرى ما كرهتك

بس مش ضامن ان  ابقى فى قلبك

ومش ضامن ان رجوعك  ده

علشان  حاسة ان " انا"  اخرك

واملك الوحيد  بعد  ما  الكل اتخلى عنك

صعب اكون  قطع  غيار لوقت الحاجة

زى ما  صعب عليكى 

انك  تحبسى نفسك فى حبى                

  وفى واحد  قلتى عليه

انه عمره  يا يستاهلك

وانا  دروت  فى علاقتنا

لقيت نفسى منفعكيش

مش انا  اللى تتباهى  بيه قدام  اصحابك

مش هاكون قد  طموحك واحلام  نجوميتك

مش هاعرف اعيش

مع حد  صوته اعلى منى

اعذرينى 

طبيعةالراجل الشرقى فيا  لقيتها

 هى اللى  بتسود

 وان برغم دوست على كرامتى

راجعة تتكلمى  وخايفة على كرامتك

وبلف ودوران ... فاكرانى مش فاهم

اللعبة  انتهت   مش انا اللى سبتك

 وده  القرار   لايمكن نبقى مع  بعض 

ونشارك بعض فى حلم  واحد