إطلالة فى احوال المحروسة
- المفكر الاسلامى سليم العو ا قال يوم الجمعة 30/9 على المنصةانه هنا لمواصلة عمله الشعبي والثورى وهايكمل حملته الانتخابية للرئاسة بعد ما تتصلح الاحوال ... ايوه ياعم ما انت لما جيت تنزل من ع المنصة شالوك الشباب من ع الارض لحسن رجليك الطاهرة مينفعش تمشى على ارض التحرير ياختى عليها ياختى عليها
- جماعة الاخوان المسيلمين قالوا في بيان شديد اللهجة !! تعليقا على الاعلان الدستورى السرى إن المجلس بيمشى على خطوات مبارك القديمة وانه لازم يسلم السلطة لاهلها ( الاخوان المسلمين طبعا هما اهلها ) وحياة ابوكم كفاية افتعال وكدب احنا هانمثل على بعض ياحلو ورينى خطوتك ده المجلس العسكرى ظبطك .
- اسرائيل تكثف قواتها على الحدود المصرية واخواتنا بيكثفوا قواتهم فى التحرير لتحرير سوريا من بشار وانشالله الطلعة الجاية هانروح نحرر فلسطين ويموت الشعب المصرى وطظ فيه.
- بالما هليز - تعيد 190 فدان من اراضى الاستصلاح الزراعى للحكومة يا مسهل كله ده كان فيه يا ولاد ال وياحلو بانت لبتك
- مصر تتراجع الى المركز ال94 فى مؤشر التنافسية العالمى ياخويا بتوع المؤشر دول لو شافوا احوالنا بعيون مصرية هايدونا المركز ال142 بامتياز
- علق صديقى الاسلامى على خسائر البورصة المتكررة بانها يارب تخرب احسن والفرحة مالية عنيه وماله ياعم فداك اقتصاد مصر كله وفداك البورصة والبورص جوزها وطظ فى مصر لو هاتلعب قمار !!
- الناس بتوع هيئة النقل العام "انا اشتقت على الاتوبيس الاخصر ابو نص جنيه " والنبى انتو راجعين امتى ؟؟
- لما الهيئة القومية للبريد كلفت خاطرها وجات توظف دفعات كلية التجارة بريد المركونة بره مش لاقيه شغل هاتوظفهم موزعين بريد يلفوا فى الشارع الاشرف انهم يشتغلوا مندوبين مبيعات بدل ما يبقى مدير المكتب حاصل على دبلوم والموزع معاه بكالوريوس وجايب فى الثانوية العامة 92% كل اللى اقدر اقوله "دائرة كبيرة وفيها نقطة وكلمة a7a"
- مش فاهم سر اهتمام الناس ببدلة المشير مايلبس حتى بوكسر وينزل الشارع مش هو ده اللى هتفناله الجيش والشعب ايد واحدة مفيش مانع نهتف البدلة والبوكسر ايد واحدة
- الشركة الشرقية للدخان عاملة مجلة اسمها " كليو باترا" واصدرت العدد 44 منه والمجلة دينيه تثقفية وترفيهية وكتر خيرهم عاملين توعية للناس من السجاير المضروبة والمهربة حرصا على صحة المواطنين وسلامتهم !! فى صحتكم انتو.
- اخيرا هاتلى قلب لا داب ولا حب ولا كل فول من ع العربية ينفع يبقى رئيس جمهورية
ليست هناك تعليقات:
إرسال تعليق