جنة العبيط

وانا مين ...

 غير نقطة فى بحر غويط

 لما يضيق الحال 

 اكبر واعمل نفسى عبيط 

انا مين لما اعترض 

  اخبط دماغي فى انشف حيط 

وامشيها بالسياسة

 وساعات بالغلاسة

وساعات اجرب

 ابقى حويط

ومعرفش ماشية

 معايا بالعكس 

واموت اوي فى الهجص

 انا مين 

غير صوت يعلى ويزيط\

ع الفاضى والمليان

عايش فى جنة العبيط 

عالم مقيت وغير صالح للسكن

• " ابتعد ُ عن الواقع ... اهرب وانسحب من النشرات والاخبار ... من الجدال ومن  السفسطة فكلها امور عادت تفقدني سلامي الداخلى بلا جدوي .....املئوا الدنيا  ضحيج ايها المتاجرون بالبشر والمنادون بالانسانية فى حين ان العالم على وشك ان  يفقد انسانيته بسبب افعالكم..... فقبل المناداه بالقيم افعلوها وقبل الوعظ والخطب  كونوا صورة حية لما تنادون به صمتكم هو من يرجع بالحياة الى طبيعتها الناس لاتحتاج  الى صوتكم ولا المحاماه عنهم ولا تفويض بدل منهم بل تحتاج الى شعور واحساس بهم  بصورة عمليه لاتتكلم ...انا الملم افكاري واشلائى بعيدا عنكم فان عالمكم مقيت وغير  صالح للسكن ...ايها المنادون بالحب وبالانسانيات هل انتم فعلا تحبون هل انتم بني  آدمين حقيقين .......العالم بات ضيق جداً بسبب ساسة العالم وبسبب السياسين  والحكومات وبسبب الوعاظ والخطباء .....عودوا الى انساتيتكم وفطرتتكم إعملوا  افعلوا   ليصمت صوتكم المقيت لاتؤذنوا لفجر لاتصلونه ولا تنادون لرفع صلاوات   لاتشتركون بها ولا تعملون بها لا تنادون باقوال كتب لاتفعلون الاقل القليل منها   العالم اصبح ضيق ومقيت وبلا قوت فى حين ان الله يزرق الطير  ؟؟؟ مؤكد انتم السبب.

انت حر

العتمة فى الوشوش

فرشت ملايات

وساكن ملامحنا

الشقيانة حكايات

نيست نفسها

من كتر السكات

خوف بطعم الخضوع

السمع والطاعة

بنفس راضية تهد

فينا الصوت تخرسه

تقوله عيب !!

الكلام ممنوع !!

ولى امرك للى قادر !!

خليك وراه

كلامه مسموع

واديك عايش مخدوع

ان ملكش صوت 

انت قاصر

وفى دور مكسور

الجناح تصبح تبات

لا همك انت

 فين واقف ولا قادر

 تشوف امل

روح بترفرف جواك

ايوه انت حر !!

ولما انت حر !!

ليه غاوي سكات

ولما انت حر

ليه عقلك مات

بضع اوهام

كان يظن عبثاً
ان الربيع طول العام
كان يحسب ان العمر بضعة احلام
يرسم عن الحياة لوحات فنان
واستيقظ يوماً يبحث عن الوان زهره
انحنى ظهره يلتقط انفاس الاوهام
كان يظن انه ملاك الكلام
وسطرِ فى قصائدِ العشاق
فهوي من الهوي بلا قيام
وعاش فى جحره ساقطا ً
فى مثالياته تافهُ بين الناس
يملك بضع اشعار
وبضعة كلمات وبقايا انسان
وذكريات محطمة  واشباه احلام
وما كانت الحياة الا عمراً مضى
بحثاً ولهساً خلف سراب
وعبثا ً يامن جئت صارخاً
تمضى فى صمت ُ بلا كلام
وعبثاً كنت تحلم وعبثا ً
كنت تظن ان الربيع
اجمل الايام

هموم مصحبانا

 اجمل ما فى حياتنا     الصبر ف قلوبنا 

وكفاية اننا بنضحك     فى وش همومنا

لما بتضيق وتخنق    علينا نقول مقسومنا 

 ونقسم لقمة الوجع    فى قلوبنا ونسلى  نفسنا 
 بحبه الفرح  اللى ممكن      تزور يومنا 

وكفاية انها مخنوقة قوي   ملانها سخرية

لحد ما غولبنا ولاتعبنا  من اغانينا المكسورة 

والهموم بتصاحنا   لا بنسيبها ولا راضية تسيبنا 

اجمل ما فى حياتنا       ان الهم مصاحبنا  

رسالة من العالم الثالث

زعموا انى يوماً اثور

هل تصدقون ؟!

هل ينتفض ُ فى قلب الخروف ُ ثور

انا من اطاع الراعي

وصدق الاوامر والنواهي

ماكنت يوما ً افكر لكن دمي يفور

اذ ماقالوا ستخسر جنة رضوان

يوم تصمتُ او تقول "لا "للدستور

ماكنت يوماً فقيها ً ولا عابئ بما يدور

منهكُ انا كي اعيش باقل القليل

برغم ان اسمى بين السطور

ادفع عمري من اجل الجنة

التى بها احلم ....هل تصدقو ن؟

يصرخون باسمى فى كل

المحافل ... .ذلك من بأيديهم الامور

منهك ُ انا  فى حرامي وحلالى 

فى جوعي وفقري فى شرفى وعاري 

لايسمعونى  عندما اصرخ  

اسمع  اصواتهم  

تنادينى طع حتى الموت



هناك النعيم وفى انتظارك الحور

صار العنف مقدساً

وصار الخوف فضيلة

وصارت كل وسيلة مبرره بنص مقدس

برغم ان "نعم " مثل "لا  "  

 وعندي تستوي الامور

انها الحقيقة  

انا لا اعرف معنى الدستور

حاجات بحبها

مفكيش دين

نفس الملامح المكسورة
نفس الصوت  ونفس الصورة

 صورة مقسومة اتنين
ناس مؤيدة وناس معارصين
 فى عبايتهم كتير مش فاهمين
 و الاكيد..ان كله بيغنى ويقول يا دين
واحنا اساسا تايهين
 صحيح لو كان فيه دين
 مكنش الانسان رخض
 ولا الدم غرق ايدين
 ولا قولنا شهيد ولا تاجرنا بدمه
 ولا جبنا امه
  تبكى تدغدغ مشاعر الملايين
 ولاكنا سمعنا عن فرقة تكسب
 ولافريق خاسرين
 يابلد حالها يتعب ويكئب
 انا كرهت القلم وبطلت اكتب
 سامحينى لو قولت عنك

 ان   مفيش فيكى دين  

همك وحالك

مستغرب على حالك

ياعجوزة فى الهم ايه جرالك

تشتري اللى يكرهوكى

بالظلم والدم

وترمي فى لحم عيالك

بس عيالك من اصلهم

هايقوم عضمهم

يحارب عشانك

سنين

فى حبالك الدايبة متعلقين

فى امالك الخايبة سكرانين

ياتري رايحة بينا ...على فين

كل مايرن صوت نمشى وراه

اوقات نتمنى الموت ولانلقاه

نتعلق بيكى اكتر رغم الاه

ويملانا ليكى حنين

بتسرقى عمرنا بطئ صامت

وتصحى فينا فرحة تكون ماتت

وفجاه تفكرينا بدموع سالت

السر فينا جوانا ساكت

بتشدينا ..وتبعدينا زي مايهوالك

...واهي دايرة بينا السنين

عرض مايونت

 عرايس فى  الخيطان بتتحرك

متعلقة فى صوابع ممثل بارع

بكل الالوان وبكل صوت يظهرلك

عايش فى كل قلب وكل شارع

والبيات الشتوي طال عقلك

اه ياخلى بنده منتش سامع

عمال اصرخ واقولكالحرب

 مش بكتر المدافع

وكل ما يتاكل من مخك حته

وكل ما الجهل سرح فى غيطانك

تبقى سهل قدام المطامع

رغبة الحياة

 كنت قد اغلقت باب القلب
  كنت قد اعلنت الحداد على مشاعري  
واهملت احساسى وتركت شعري وقلمى  
  لم اكن انتظر لجظة القيامة من قبر الفتور وتبلد المشاعر  
 التقيتك على دورب الصدفة تحملك بالحب بين كفيها
 ايتها الوردة الندية  
 شكراً لعطرك الجميل الذى منحنى رغبة الحياة  

قلبى مش فاضى

جــــاي  قـــلــــبها  رن  بـــــحنيـــــن  للـــماضــي 
مــــطـمـنـــــــــــة  اننا  هانــــرجــــــع   عــــــادي
مكـــسورة  وياريــــنها  ندمـــــانة  عــلـي  بـعــادي 
بــس خـلاص مـش ناويهــا ترجــع  تانى الـمـرادي 
مـعنـديش مـكاـن  اصل قــلـبى مـاعدتش فــاضـى 

فراغ

اديكى حرة
وراحتك معاكى 
دوري على حد 
يملى فراغ جواكي
وحبل يخنق فيكى
وسكين 
علطول سرقاكى 
ورا ستارة اسمها
حبك وهواكى 
العيون تفضل دبلانة
والروح جوه كسلانه 
بس لاتلومينى انا 
لومي اللى اتسلى بيكى 

وبعدين رماكى 

دنيا

غريبة الدنيا 
ساعات تدينا بوزها
الحاجات لما مش بنعوزها
وتضحك واحنا مكشرين
تبتسم فى وشنا وحنا
مكسورين
بس هي كده مش بتيجى
مع اللى عاوزها

شوية عبط

 بتحبى ليه غلط
وتمشى ورا الاندال
عمرك حبه انفرط 
بقيتى ارخص م الرمال 
ياحلوة كفاية عبط
متسوقيش ف الدلال 
لاتفرشى بياضك 
 مش الكل رجال 
شوفى حد شاريكى 
قبل مايزول الجمال 
راجل يشتريكى لما 
ترخصى فى عين نفسك
اصله زمن قليل الرجال 

ضحكة فى صورة

وكأن رنة الفرح فيا مكسورة

بضحك كل ما بتصور 

اصلى بحب اقاوح  

جايز الاصل غير الصورة

واتاري الصورة مكسورة

وكلمة الآآآه ديماً محشورة 

حتى الفرح لما بيجى  

بخاف ليطلع  ضحكة ف صورة

جوايا تايه

جوايا  حد 
لسه مقابلتوش . 
ملامحه فى قلبى ساكنة
بس معرفوش 
عشانه لبست الف قناع .
اتداريت فى كل الوشوش 
لكن برضه تعبت ولا شوفتوش 
بدور على يوم حلو 
عشت ايام كتير ولا عيشهوش
جوايا تايه منى 
وكلام لسه  مقولتوش 
وحد جايز سامعنى  بس 
انا  صوته  مبسمعهوش 
  بس اكيد جوايا ..
وجايز لو طلع في يوم
هيلاقينى  محبتوش 

عصفور

 العصفور

 خفيف الوزن يطير

من غصن لغصن

ومن شجرة لشجرة

 لاتحسه متعلق بحاجة

ولا شايل هم بكرة 

ولا حتى شايل هم انه يلاقى اكل 

ولا مايلاقيش حتى لما يلاقى

حب قمح مبدور على الارض

 ينزل ياخد حباية 

ويسيب الباقى ويطير 

وهو مش ضامن ان يلاقى تانى ولا لا

بيغنى وبيطلع صوته

من غير قيود لا حاسس

ان صوته ممكن يزعج حد

أو ممكن يبسط حد لكنه بيغنى إحساسه

احساسه وبس وبصدق بيوصل لودان الناس

 وبتحبه وتحب مظهره .

مجرد عصفور صغير 

بس جواه حاجات كتتتتير

فاضل ميل

والدنيا لسه بخير 
والحلم باله طويل
كله مع الصبريهون
بيقولوا الصبر جميل 
وإن طولت معاه الاه
قول هانت فاضل ميل
وعيش باللى بتتمناه
وفى ايدك الف بديل
وإن ضاع حلمك اوتاه
دور جواك على الدليل
ومسيرك يوم تلقاه
طول ما جواك لسه جميل
لكن لو احساسك مات
رجوعه تانى مستحيل
اوعي يموت قلبك 
ده لسه فاضل ميل