انت حر

العتمة فى الوشوش

فرشت ملايات

وساكن ملامحنا

الشقيانة حكايات

نيست نفسها

من كتر السكات

خوف بطعم الخضوع

السمع والطاعة

بنفس راضية تهد

فينا الصوت تخرسه

تقوله عيب !!

الكلام ممنوع !!

ولى امرك للى قادر !!

خليك وراه

كلامه مسموع

واديك عايش مخدوع

ان ملكش صوت 

انت قاصر

وفى دور مكسور

الجناح تصبح تبات

لا همك انت

 فين واقف ولا قادر

 تشوف امل

روح بترفرف جواك

ايوه انت حر !!

ولما انت حر !!

ليه غاوي سكات

ولما انت حر

ليه عقلك مات