عتمة

 العتمة 
في الدروب الواسعة  

بتبان    نور 

قلب فيها  يحتار

وقلب فيها  يختار 

زي الغبار  بتطير

ع الجانبين مرتاحة

لا  بتغــضــب

ولا علي حالها  بتثور

آخر سلام  .. ورحرحة 

 نعسانة    غرقانة    مرتاحة   

وخلي الطابق مستور

اصل إحنا  في نور !!؟!!

درب واسع  زحمة وشوش 

اللي تعرفه واللي ماتعرفوش 

لابس الف وش  اسود  


 ابيض  ماتفرقش  طوب وقش

خلطة ملامح  طاير وفي العش

 مرة  حمام وسعات  صقور  

ياقلبي  ما تلم  الوجع  ف صدري

وتسلم  لربك  امري بلاش تبقي بحمقة    


واعصابك  بتفور اصل اللي مالوش اصل

جاي عليه  الدور واللي عاجبه  عماه

ياخد  علي قفاه  ويتوكس  ويغور

هاتصلح  الكون  ؟   يابو  صوت مكسور

لم  الوجع  احسنلك  ؟ قول نكت 


 مهما  تصرخ او  تبكت   

 دي ناس روحها  ساكنة قبور

هتنادي مين  والدرب واسع 

حزين خليك  في حالك خلي


 الطابق مستور