ترك كل شى وتبعه

ترك كل شى وتبعه

كتير يارب سمعت كلمة  "اتبعنى "

وارد  عليك  ليه  هو انا مش بتبعك ؟

اسمع صوتك تانى  "  اتبعنى "

 اقولك  انا بتبعك 
وليا خدمة ومشغول بيها طول  اليوم

انا ليا صلاة بصليها
 وليا صوم وليا صدقات 
وليا ناس بيحبونى عشان الخدمة

ليا تاثير  فى قلوب الناس ...
  انا بعمل وبسوى ...
  انا مؤمن !!!! ازاى مش بتبعك  ؟

 معقولة اكون مش بتبعك .....؟

 ياه  ...  لما ادور جوه ذاتى ؟؟؟
 وافتش كويس فى حياتى

اسال نفسى ياترى بتبعك ولا لا ؟

ولا بمضى حزين   ؟ زى الشاب الغنى ...
 لانه  كان ذو مال كثير

 ...  حزين عشان لما هاتبعك
.. فى تصورى الجاهل ان هاعيش فى قيود

 مش هاخد  راحتى معاك ... او هاعيش محروم  .
..  هايقولوا عليا انى عايش فى عالم تانى

 هاينسحب من تحت رجلى البساط .... 
مش هاعرف احقق امالى وطموحى

 معقولة دى فكرتى اعن تبعيتك ... ؟
  هو انا يارب مش المفروض جيت الارض علشان اتبعك 

 مش رسالتى فى الحياة ان اتبعك ؟  

انا فعلا يارب مش بتبعك

لان التبعية معناه ان امشى وراك

 معناه ان انكر ذاتى ! 
وانا  امتى انكرت  ذاتى  ... ؟

 لكن ..  للاسف انا ليا خدمة ..
 بهتم بشكلها يكون ايه ؟

بهتم برأى الناس يقولوا ده واعظ  كبير او فنان

 ده ابسط  الامور فيه ناس بعيدة عن الاضواء انا ناسيها

انا بجامل واحابى على حساب كلامك 
...انا بحب اللى  فى دايرتى

بس ... .. انت معقولة علمتنى كده ؟.

انا بفسر حسب اهوائى كلامك ....
. انا مش بعرف اميز الارواح  ؟ 

هوائى  ...  كل فكرة تطلع فى دماغى بعتبرها منك ؟  معقولة ..

  حتى لو ضدد  نورك  وكلامك ؟

مش عارف اترك  كل شى .؟ 

هاتبعك بس فيه  شوية حاجات   متضيقهاش عليا

.. الضوء والشهرة وحب المديح ........

.دى ارادتك ليا معقولة ؟

 انت عايز الصورة دى فيا  ؟

مع انى بظهر متواضع  .

...بس للاسف لما بتبعك كنت بتبع  ذاتى

...انا باين انى رائع ....
علشان عرفت بذكاء اضحك  على الناس

 طب وعليك ؟  ازاى  هاضحك 

.  قبور مبيضة من الخارج  ؟ 

مش قادر اترك كل شى علشان فيه 

خطايا محبوبة باينة فى ظاهرها انها حاجات عظيمة وانجازات

وهى بس مجرد صرخات ذات  مرة وصعبة

قد  ايه اكتشفت معنى كلامك لبطرس لما قلتله .

.. قبل ان يصيح  الديك ...

  فى الوقت اللى كان بيتكلم فيه بطرس بكل ثقة 
انه هايتبعك  ويمشى وراء .... لكن وعدته

... ان لما يرجع هايشدد 
 اخوته ووعدته انه على هذه الصخرة .
.  تبنى كنيستك  ...

اكتشفت  ان ...  انا  ضعيف جداا ...
..وللاسف مغرور جدااا ....

 انا بتعامل معاك بمشاعرى بس يارب ..
.  علشان كده  مهزوز

كلمة بتودينى وكلمة بتجيبنى ..
.  كلمة ترفعنى وكلمة تبنينى  ...
. لقيت نفسى مش انا ..
كل  حاجة شكلتها فيا افكار الناس  ..
.  حررنى يارب من قيود ... 
 الافكار التى اصبحت عادات تأثرنى ...
  واحبها ....  كم بحثت عن انتعاش لحظى ..
. عظات تلهب المشاعر سرعان ماتبرد ... 
  يارب ادينى نعمة حكمة وعقل .. وروح  ملتهبة ... 
 وايمان وثقة ...  اكون واقف على صخرة