عروسة صينى

لفت  نظرى احد  اصدقائى الى ان  هناك شركات فى وسط  البلد  تعلن عن وصول الدفعة الاولى من العرايس الصينى  وتعمل على تزويج  الشباب مقابل من 1000 جنيه   الى 1500  جنيه  كعمولة للشركة على الراس الواحدة  والعرض سارى حتى نفاذ الكمية ....   المهم فى الموضوع هو  ان تلك العروسة الصينية جاهزة ومستعدة وقابلة للزواج  فى اى وضع واى حال اذن  هى تتمتع  بالمزايا الاتية 

 هاتقبل العريس اى ان كان شكلة وجسمه طويل قصير  تخين رفيع  مش فارقة

     هاتقبله  بدون عمل وبالتالى بدون  شقة   يمكن فى اوضة فى شقة الاسرة  مفيش مانع او شقة  اوضة ايجار فوق سطوح  العماير الفخمة مش اشكال  المهم  الجواز سترة !!!!!  

-طبعا برضه مش هايهمها اذا كان  بيستحمى ولا  مبيستحماش او بيحط  جيل فى شعره او مبيحطش بيلبس مضارة سود  ولا مش بيلبس  ولا هاتطلب بدلة ولا ساعة ولا جزمة متلمعة ولا اى ملاحظات  هى من الاخر بتشترى راجل ههههه

- هاتعيش  على الحلوة والمرة ويمكن تعيش على المرة اكتر

-  مش محتاجة شبكة  ولا مهر ولا عربية ولا  اى حاجة جاهزة من مجاميعة

عليها  خلا'ط هدية 

  يبدو الامر مضحكا  ً  لكنه فى واقع الامر مبكى ومحزن جدااا   الى هذا الحد  وصل البيزنس الى  الجواز  ...  كنا نسمع  على مكاتب وفق راسين  فى الحلال والخاطبة والى اخر ذلك  ولكن لدرجة ان الصين  لديها حلول اقتصادية واجتماعية لمشاكل العنوسة فى مصر ...   السؤال هنا .. هل مشكلة الجواز  تكمن فى الجنس فقط  يعنى اخد واحدة علشان  كده  بس ..  من الواضح  فى مثل هذه الزيجات ان الامر يتوقف عند هذا الحد  ...  هو قضاء الحاجة الى الجنس تحتا  ستار قانونى غير مكلف ..  ومن غير وجع دماغ  ... ؟

 ولا  سؤال اخر ...   يا  اخت يا صينة  كيف تقبلين شخص ليس بينكم اى شى مشترك  ولا  تشترطى ديانة ولا  مله  ولاى  اى شئ هل تعتقدى ان تكونى سعيدة او هل تتوقعين السعاده لزوجك  فى هذه الحالة الصماء ؟

همسة للاباء ...  لا تغالوا فى مهر وطلبات بناتكم   همسة الى البنات كونى واقعية  يا اختى  وحبى  الشخص كما يبنه الواقع ليس كما تتمنين انت    ولا  كثير من العوانس وكثير من الجواز الصينى

 فهناك بديل ارخص واسهل    عروسة صينى استاذنكم دلوقتى علشان رايح  اشوف عروسة صينى وراجع بسرعة  باااااااااااى