رثائيات

. فى اقسـى   لحظات  الالم   بتكون الكلمة ملهاش معنى
او  تخرج  غير معبرة ومش مفهومة
فى اشد  اللحظات  ظلام من الليل  يكون الكلام عن الفجر
نوع  من الهذيان
لكن  بجد   تحس ان  البركة  بتحصلك  لما  تلاقى
حد  بيطمنك -  حد  بيواسيك  وهو مش عايز منك  شئ
حد  عارف يعنى ايه  انسان  ... حد  يقولك  شد  حيلك
المعادن الحقيقية  للبنى ادمين  بنتبان  فى موقف صعب
زى  رحيل البابا
انا  بشكر اللى مكلمنيش واللى  شمت  فيا
علشان  علمنى ان  لسه  فيه  ناس
كتيرة بتعرف يعنى ايه انسان
لان  لو مش موجود  الناس اللى  بتشمت واللى  بتستخسر الرحمة
ومواساه  غيرها  ابدا  مكنتش هاعرف ان  فيه  ناس حلوة قوي وناس
طيبة قوى بتحب بصدق 
على كل الاحوال  ,,, البابا  مش صامت  بينا  
بيصرح  فى كل عظة فى كل كتاب فى كل تعليم علمه  
شاعر - واعظ - فيلسوف    ...  الوداع    قداسة البابا  
-لما مات  ابويا (  حسيت  فعلا ً  كان  قد  ايه  شايل هم  ) 
الراجل اللى مفكرش يرد  باى كلمه  على كل اللى هانوه 
وفضل طول عمره  بيعلمنا  نحتمل  
والناس اللى  طلعت تشتم  فيه  وهو  ميت  
هما  اجبن من انهم  يذكروا  لاسوأء الاحتمالات  
محاسن  موتاهم  
واللى  اتمسحوا  فى الشرائع  
عايز اقولهم  الشريعة  والعقيدة اللى 
تحرضك  على انك  تتحول من انسان  رقيق المشاعر 
وحساس ومحب للمختلف عنك وحتى عدوك 
تبقى عقيدة محتاجة  مراجعة منك   
وتحاول تفهم ان  الله  محبة   
- يممكن اكون  مبالغ  فى احساسى 
انا حسيت  باللى  مات ابوهم  
وهما  بيتخانقوا  على الميراث قبل ما  يدفنوه 
بس الامل كبير ان الله  لايترك  رعيته  تهلك
علشان ده وعد   من  الله  والله صادق حاشا   ان  يخلف وعده 


- شوفت دموع  المسلمين قبل المسيحيين    على موتك  ...
انا بجد  اتعلمت ان الانسان  انسان مهما اختلفت الاديان 
وانك  فعلا تستاهل دموع  العالم  كله