العمر خلص .
والضحك طلع
اخر نفس
وفى وقت
تانى تحس
انك لسه بتتولد
وقدامك كتير فرص
دنيتك احوال
. وحزنك موال
بس فيه صوت جرس
بيقولك ..الحال
مش دايم يا صاحبى .
والوقت اللى فى ايدك
مربض الفرس
يمكن تزعل علشان
كاشف فيك
ضعف ناشف
وصوت حلمك الاخرس
.زى ما لسانك طويل مترين
.. اصمت واتعلم الهمس
وخلى عملك باين للشمس
متزعلش يا لما النور
يدخل جواك يعريك
من توبك الاسود
وعيشتك المدارية
ازعل شوية .
بس خليك حقيقة
مش كلام بيرن ويزن
ومالوش اثر صدقنى
الاحسن لو خرس
اوعاك تزعل من صوت
بيوجعك وسوط بيجلدك
احسن من اللى يخدعك
ويسيبك عايش متخدر
على هامش متكدر
كل اللى تملكه ..
الله اكبر
وشكوى الولايا ..
وعويل الندابة
صدقنى احنا غلابة ...
تعابة ..عايشين
تستنى الفرص
ويموت فى حضننا
الف حلم
ويسكت فينا
لحن الحياة
ابو طعم عرق وشقا
ياللى حياتك
زى ضراب الودع
مش كفاية
بقى يا جدع
بتضحك على مين
وتسوق الدلع
هى ناقصاك كدب
مكفايا اللى اتزع
واللى اتقلع
كل يوم تنقلع
من اصلك
وناسى نفسك
وسايقة فيها
الدلع ..
ساعات تحس ..
وسنين نحس
خليك لو عايز
تفضل مكانك
فى الحبس
وعيش ضراب ودع
..وقابلنى بدموع .
..وقابلنى بدموع .
وسمعنى غنوة
العمر راح والظروف
والسنين
والحظ
والبنى ادمين
يا اخى كفاية
مغص
ليست هناك تعليقات:
إرسال تعليق