صابر على ميلة بختى و امالى اللى خابت
وهدومى المقطعة وجزمتى اللى دابت
اعمل ايه حال بقى مر والسنين تمر
وزارة جاية ووزارة راحت
ناس بهتف وناس بتخطف ودنيا
لازم تبقى فيها صامت
اصل تتكلم تروح السجون
اما يقولوا عليك مجنون
طب خلونانربى العيال
ونرضى باللى يكون
قالو مقاطعة وراه
قالوا تطبيع وراه
ادينى بنهتف يابيه
ولا اعرف الريس اسمه ايه
واعرف ليه هعمل بيه ايه
لاهايلبسنى هدمة ولا هايجيبلى جزمة
ولاهادينا شقة بدال السطوح
................................
مواطن عشوائى
جاهل لقمة مش لاقى
طور بيلف فى ساقيه
ضهره اتحنى م اللى اتبنى
لاصحاب المال والحاشية
صوته موال حزين لئيم
كبته ممكن ينفجر ف يوم
وساعتها عمار يامصر
قنبلة عمرها سبع الاف سنة
اه يامصر غنى يامصرنا
سرقوكى طمعوا فيكى
وقالوا دول اجدادنا والخير ده لاولادنا
طب منا من ولادك بشحت على بابك
راضى بنصيبى وساكت
ليست هناك تعليقات:
إرسال تعليق