جنب الحيط طاطيت
زى معلمونا واحنا صغار
ديما جنب الطريق امان
اتعلمنا وياريت
مكنا سمعنا غنوة فشلنا
اللى بايديهم كتبوها وعزفوها على حياتنا
صرخت قد ما صرخت
اسمعونى افهمونى
طيب سبونى اشق طريق الحياة
سيبونى للشوك اعانده وياه
اتجرح واتألم بس فى يوم هاغلب
وهأقوى
........
علمونا واحنا صغيرين
انت فيه بنت ولد
مسيحى ومسلم
غنى وفقير
شريف و ونقط
كبرت الحواجز
نفسى اعيش من غير قيود
نفسى اهدم كل السدود واعدى الحدود والفةواصل اللى اتحطت فى طريقى
نفسى بنفسى اختار صديقى اختار حياتى
مش عايز اعيش وابقى نسخة من حد
مش عايز اكون حياتى ليها حد
مش عايز فكرى ينحد
سيبونى اعيش بالفطرة انسان علمونى يعنى ايه انسان
يعنى ايه وطن يعنى ايه جيران
دورا جوايا هتلاقوا انسان ناجح
حلم جامح قلب طاهر نفسه يكون انسان
.................
قلبى على اول طريقه
برئ جرئ
لسه بصرختى فى الدنيا
علمونى اكون
ليست هناك تعليقات:
إرسال تعليق